பாடசாலை மாணவர்கள் இருவரை காணவில்லை… தேடும் பணி தீவிரம்…

இலங்கை மாரவில பிரதேசத்தில் பாடசாலை மாணவர்கள் இருவர் காணாமல் போய்யுள்ளனர் என தகவல்கள் வெளியாகி இருக்கின்றது.

இச் சம்பவம் தொடர்பில் போலீசாரினால் விசாரணைகள் மேற்கொண்டு வருவதாகவும் தெரிய வந்துள்ளது.

மற்றும் குறித்த இரு மாணவர்களும் நேற்றைய தினம் பிற்பகல் முதல் காணாமல் போய் உள்ளதாகவும் போலீசாரின் முதல் கட்ட விசாரணையில் தெரியவந்துள்ளது.

குறித்த மாணவர்களின் விபரம்…

நாத்தாண்டிய, முட்டிபடிவெல பகுதியைச் சேர்ந்த கவீச மதுசங்க என்ற 15 வயது சிறுவனும், அதே நாத்தாண்டிய, சாகரகம பகுதியை சேர்ந்த லக்ஷான் நிமந்த என்ற 15 வயதுடைய சிறுவனமே இவ்வாறு காணாமல் போய் உள்ளதாகவும் தெரியவந்துள்ளது.

மற்றும் இவர்கள் இருவரும் நாத்தாண்டியாவில் உள்ள பிலாகட்டுமுல்ல நாலந்தா என்னும் வித்தியாலயத்தில் கல்வி கற்று வருவதாகவும் தெரிவிக்கப்பட்டுள்ளது.

குறித்து இரு பாடசாலை மாணவர்களிடமும் பாடசாலை வேளையில் புகையிலை உள்ளிட்ட சில பொருட்கள் கண்டுபிடிக்கப்பட்டதாகவும் அதனை அடுத்து பாடசாலை அதிபர் கடுமையாக இரு மாணவர்களுக்கும் எச்சரித்துள்ளதாகவும் தெரியவந்துள்ளது.

குறித்த மாணவர்கள் மனமுடைந்து போயிருந்ததாக அவரது தாயார் போலீசாரிடம் தெரிவித்துள்ளதாகவும் கூறப்படுகின்றது.

இதனை அடுத்து மாரவில போலீசார் குறித்த காணாமல் போன பாடசாலை மாணவர்கள் இருவரையும் தேடும் பணிகளையும் மற்றும் பல்வேறு கோணங்களில் இது தொடர்பான விசாரணைகளையும் ஆரம்பித்து இருக்கின்றமையும் குறிப்பிடத்தக்கது.