பூமிக்கு அடியில் ஒலித்த மர்ம ஒலியினால் பீதியில் மக்கள்… இலங்கையில் நடந்தேறிய சம்பவம்…

இலங்கையில் கொத்மலை வேத்தலாவ என்னும் கிராமத்தில் பூமிக்கு அடியில் அசாதாரண சத்தம் கேட்டதாக குறித்த பகுதியில் வசித்த மக்கள் தெரிவித்துள்ளனர்.

இதனை அடுத்து கொத்மலை வேத்தலாவ பகுதியில் வசிக்கும் மக்கள் சற்று அச்சமடைந்த நிலையில் 50க்கும் மேற்பட்ட குடும்பங்கள் இரவு நேரங்களில் பாதுகாப்பான இடங்களுக்கு அனுப்பி வைக்கப்பட்டதாகவும் தற்போது தெரிய வந்துள்ளது.

குறித்த கிராம பகுதியில் வசிக்கும் பெருமளவிலான கிராம மக்கள் இரவில் குறித்த கிராம பகுதியில் பூமிக்கு அடியில் இருந்து வித்தியாசமான ஒலிகளை கேட்டதாக அறிவித்திருந்த நிலையில் இவ்வாறு மக்கள் குறித்த பகுதியை விட்டு பாதுகாப்பான இடத்திற்கு அனுப்பி வைக்கப்பட்டுள்ளனர்.

நுவரெலியா மாவட்டத்தின் மாவட்ட செயலாளர் அவர்கள் குறித்த விடயம் தொடர்பாக கட்டிட ஆராய்ச்சி நிறுவன அதிகாரிகளை அமைத்து நாளைய தினம் விசாரணைகளை நடத்த உத்தரவிட்டுள்ளதாகவும் தெரிவிக்கப்பட்டுள்ளது.

மேலும் இது குறித்து மக்கள் அச்சம் கொள்ள தேவையில்லை எனவும் மற்றும் விசாரணைகள் ஆரம்பிக்கப்பட்டு பின்னர் எடுக்கப்படுகின்ற முடிவுகளின் அடிப்படையில் அடுத்த கட்ட நடவடிக்கைகளை எடுப்போம் எனவும் குறித்த மாவட்ட செயலாளர் அவர்கள் தற்போது தெரிவித்து இருக்கின்றனர்.