படங்களில் நிகழ்வது போல் கடத்தப்பட்ட பெண்!! இலங்கையில் இன்று நடந்த வியக்க வைக்கும் சம்பவம்…

இலங்கையின் கல்பிட்டி பிரதேசத்தை சேர்ந்த வர்த்தக பெண் ஒருவரை படங்களில் நிகழ்வது போன்று கடத்தப்பட்ட சம்பவம் ஒன்று இலங்கையில் இன்று அதிகாலை இடம் பெற்றுள்ளது.

கல்பிட்டியின் பள்ளிவாசல்துறை எனும் பிரதேசத்தில் வசிக்கின்ற சுமார் 49 வயதுடைய பெண் ஒருவரே இவ்வாறு இச் சம்பவத்தில் கடத்தப்பட்டுள்ளார்.

அதிகாலை வேலையிலே காரில் வந்த மர்ம நபர்களினால் குறித்த பெண் கடத்தப்பட்டுள்ளதாக தகவல்கள் வெளியாகி இருக்கின்றது.

மேலும் உடனடியாக போலீசாருக்கு கிடைக்கப் பெற்ற தகவலினை தொடர்ந்து குறித்த கார் செல்லும் திசையினை யுகித்த போலீஸ் வட்டாரங்கள் அதனை அடுத்து அதன் அருகாமையில் இருக்கின்ற ஏனைய போலீஸ் நிலையங்களுக்கு உடனடியாக தகவலை அறிவித்து குறித்த காரினை சுற்றி வளைப்பு செய்துள்ளனர்.

இதனை அடுத்து குறித்த காரானது பாலாவிய – முந்தலம் ஊடாக ஆணமடுவை நோக்கி பயணித்திருந்ததாகவும் தெரிய வருகின்றது.

இதனை அடுத்து குறித்த பெண் கடத்தப்பட்ட காரானது ஆனமடுவ போலீஸாரினால் மீட்கப்படுள்ளது .

மேலும் இதன் போது காரின் ஓட்டுனரை போலீசார் கைது செய்துள்ளனர்.

இந் நிலையில் குறித்த கடத்தப்பட்ட பெண் ஆனமடுவ பிரதேசத்தில் காரில் இருந்து குதித்துள்ளதாகவும் தகவல்கள் வெளியாக இருக்கின்றது.

இதனை அடுத்து ஆனமடுவ பிரதேச மக்களினால் குறித்த பெண் மறைந்திருந்த நிலையில் கண்டுபிடிக்கப்பட்டதாகவும், அதனை அடுத்து பிரதேச மக்கள் குறித்த பெண்ணை ஆனமடுவ போலீசாரிடம் ஒப்படைத்துள்ளதாகவும் தற்போது தெரியவந்துள்ளது.

இருப்பினும் குறித்த வர்த்தக பெண்ணானவர் ஏன் கடத்தப்பட்டார் என்பதற்குரிய எந்தவித காரணங்களும் இது வரை தெரியாத நிலையிலே இருக்கின்றது.

இதனை அடுத்து கார் சாரதியையும் மற்றும் குறித்த பெண்ணையும் ஆனமடுவ போலீசார் கல்பிட்டி போலீசாரிடம் ஒப்படைப்பதற்குரிய நடவடிக்கைகளை மேற்கொண்டுள்ளதாகவும் ஆனமடுவ போலீசார் தெரிவித்துள்ளனர்.

மேலும் படங்களில் நிகழ்வது போன்ற இக் கடத்தல் சம்பவமானது இலங்கையில் இடம் பெற்றுள்ளதானது மக்களுக்கு பெரும் அதிர்வலைகளை ஏற்படுத்தி இருந்தாலும் போலீசாரின் துரித நடவடிக்கைகளின் காரணமாக குறித்த பெண் மீட்கப்பட்டுள்ளதும் குறிப்பிடத்தக்கது.