சி எஸ் கே அணியை தடை செய்ய வேண்டும் என பாமக எம்எல்ஏ வலியுறுத்தல்

இந்தியன் பிரீமியர் லீக்கில் (ஐபிஎல்) சென்னை சூப்பர் கிங்ஸ் (சிஎஸ்கே) அணியில் தமிழகத்தைச் சேர்ந்த இளைஞர்கள் யாரும் இடம்பெறாததால், அந்த அணிக்கு தடை விதிக்க வேண்டும் என்று பாட்டாளி மக்கள் கட்சி எம்எல்ஏ ஆர் வெங்கடேசன் செவ்வாய்க்கிழமை கோரி சர்ச்சையை கிளப்பினார். .

தமிழக சட்டசபையில் செவ்வாய்க்கிழமை பேசும் போதே அவர் மேற்கண்டவாறு தெரிவித்தார்.

சிஎஸ்கே தமிழகத்தில் இருந்து வந்தாலும், தமிழ் இளைஞர்களுக்கு முக்கியத்துவம் அளிக்கப்படவில்லை என்றும், உள்ளூர் வீரர்கள் இந்த அணியில் இல்லை என்றும் வெங்கடேசன் கூறினார்.

மாநிலத்தின் பெயரைப் பயன்படுத்தி லாபம் ஈட்டுவதாகவும் பாமக தலைவர் குற்றம் சாட்டினார்

சட்டசபையில் பேசிய வெங்கடேசன், ”தமிழகத்தில் திறமையான வீரர்கள் பலர் இருந்தும், சிஎஸ்கே ஐபிஎல் அணியில் தமிழகத்தைச் சேர்ந்த கிரிக்கெட் வீரர்கள் யாரும் இல்லை.

ஒரு தமிழ் வீரர் கூட இல்லாமல் சிஎஸ்கேயை தமிழக அணியாக முன்னிறுத்தி லாபம் ஈட்டி வருகிறது சிஎஸ்கே. தமிழக வீரர்களை அணியில் சேர்க்காத சிஎஸ்கே அணிக்கு தமிழக அரசு தடை விதிக்க வேண்டும்” என அவர் கூறினார்.